Nan tèt kole ak popilasyon sivil la nan Debisi, anpil bandi pèdi lavi yo yè lendi 24 avril la. Mete sou sa, fòs lòd yo anonse tou yo sezi 4 zam gwo kalib ki te nan men endividi ame yo. Nan tout ravin ki gen nan zòn sa yo, Lapolis simen katouch e popilasyon an ak manchèt epi wòch ap fè aksyon pa yo.
Depi 1è di maten ayè lendi a, bandi yo te deja atake moun Pako, Kanapevè, Debisi kote yo touye moun, boule kay epi simen katouch pasi pala. Lapolis felisite popilasyon pou bon jan kolaborasyon l.
