15 mwa aprè, malgre tout pale anpil, ankèt sou asasina prezidan Jovenel Moïse la toujou bloke. Mathieu Chanlatte, Gary Orélien, Chavannes Étienne ak Merlan Belabre se 4 jij ki pase sou dosye a deja san anyen pa fèt. Senkyèm jij ki sou li la a se Walter Wesser Voltaire ki poko janm ka pran gwo desizyon. Nan yon tweet, Martine Moïse prezante defen mari l tankou yon ti mouton ki bay lavi l pou pèp ayisyen an
Si gen nan jij ki pase yo ki akize kòm kòriptè, gen lòt se presyon yo pran yo bay vag sou sa e menm kite peyi a. Dosye a sou 15 mwa, gen kèk sispèk k ap jemi nan prizon toujou pandan gen plizyè lèzòt non yo site men yo gaye nan lanati. Fanmi ak pwòch prezidan an kontinye nan swaf yo pou jwenn jistis.
