4 detni nan prizon sivil Okay la mouri akòz anemi ak malnitrisyon, sòti kòmansman semèn lan pou bout ayè jedi 14 desanm lan.
Daprè komisè gouvènman an chèf vil sila, Mèt Lionel Cherimat, prizonye yo pa byen nouri, manke medikaman, san konte yo pa gen aksè pou wè fanmi yo san pwoblèm. Yon rezon anplis ki lakòz yo bwè dlo bouch yo.
Sant kaseral Okay la se youn pami kèk lòt prizon, pami yo Penitansye nasyonal nan Pòtoprens, k ap fè fas ak divès difikilte pou reponn ak bezwen prizonye yo.
Ant move tretman, malnitrisyon, mank laswenyay epi aksè ak pwodwi ijyenik, se plis pase 85% nan popilasyon kaseral ayisyèn lan ki nan detansyon prevantiv pwolonje, san konte sa ki poko janm jije.
Pooshy Rosana
