Chay la vin 4 fwa pi lou sou do tout paran ayisyen pou ane akademik 2022-2033 sa a.Pwoblèm yo te deja anpil men kounye a, pa gen gaz, tout bagay moun ka konsome tèt nèg, pi fò biznis fèmen pòt yo, lekòl yo menm monte tèt nèg, gouvènman an ap toupizi pèp la, pri machin ak moto byen wo, anpil antrepriz voye anplwaye yo ale, koulye a men kolera antre daprè MSPP.
Ane sa a, okenn kondisyon pa reyini pou lekòl la relouvri paske tout materyèl eskolè byen chè e mete sou sa, paran yo p ap leve ni lou ni lejè. Nan yon peyi kote chak gouvènman an ap preche edikasyon se sèl mwayen pou Ayiti pran wout devlopman alòske li menm li pa mete anyen sou pou ede yo. Si lekòl paka tann selon Minis Nésmy Manigat anpil moun mande kòman kisa l ap fè pou sa.
