Ayè lendi 4 desanm 2023 a, tout Enspektè ak polisye k ap bay fòmasyon anndan Akademi Polis la sou wout Frè a te pase tout jounen an san yo pa travay. Yo pran mezi sa a yon fason pou denonse zak ensekirite k ap grandi nan anviwonnman Lekòl Polis la. Dènye gout dlo ki ranvèse vaz la, se aprè bandi fin atake yon Enspektè ak tout madanm li, pa twò lwen Akademi Polis la.
Daprè kèk polisye ki te pale ak jounalis an koulis, se tout jounen kout zam ap tire tou prè Akademi an alòske pa janm gen dispozisyon ki pran bò kote wo grade PNH la pou frennen deriv sa yo.
