Akademi kreyòl ayisyen an (AKA) lanse, nan finisman semèn nan, pwogramasyon aktivite pou komemore mwa ak kilti kreyòl yo.
Anba tèm: «Lang kreyòl se gadyen eritaj kiltirèl nou», ap genyen yon dividal aktivite soti 6 k’ap bout 28 oktòb pwochen, se sa prèt Michel Frantz Grandoit, vis-prezidan akademi an, fè konnen.
Pami aktivite sa yo, li site : rankont, konferans-deba, atelye lekti ak ekriti, kozri, pou n’ site sa yo sèlman.
Nan kad komemorasyon sila, soti 6 pou rive 27 oktòb, plizyè anseyan-chèchè tankou Dr Renauld Gauvain, Michel Degraff, Jean Robert Placide ap pwononse konferans k’ap fèt anliy sou lyen sa a: https://bit.ly/2z00Y13
Wilner Jean
