Malgre anpil angajman fizik match sa a te pote ak anpil fot jwè meksiken yo te fè sou poulen ajanten yo, sa pa anpeche yo genyen ekip Meksik la 2 gòl a zewo. Lionel Messi, 7 fwa balon dò a te louvri mak la nan dezyèm mitan e Enzo Fernandez ta pral met tout moun dakò ak yon bèl gòl sou pye dwat li, alòske li te apenn monte nan match la.
Ekip Ajantin nan gen 3 pwen kounye a e pwochen match yo se pral kont seleksyon Polonèz la. Se yon viktwa ki pote anpil lajwa pou fanatik balon won yo, Ajanten yo an patikilye.
