Yon lòt fwa ankò, prezidan dominiken an Luis Abinader deklare, sèl angajman li genyen se ak pèp dominiken an kidonk li pa dwe pèsonn. Prezidan an fè konnen l ap kontinye depòte ayisyen ki pa legal yo paske lè l fè sa, se konstitisyon an ki se manman lwa peyi l ap dirije a l ap respekte. Abinader fè deklarasyon sa yo jounen vandredi 25 novanm nan.
Malgre apèl ki lanse bò kote peyi Etazini ak gouvènman ayisyen an pou Dominikani kontwole fason l ap fè depòtasyon migran yo, gouvènman dominiken an pa chanje lide. Nan sans sa a, tout ayisyen ki ilegal sou tè yo a, depi yo bare avèk yo y ap kontinye depòte yo.
