Romain Molina kontinye ap frape mond foutbòl ayisyen an ak divès gwo revelasyon sou dirijan yo nan peyi Dayiti.

Aprè Yves ”Dadou” Jean Bart fin pèdi pòs prezidan Federasyon Foutbòl Ayisyèn lan (FHF) akòz non li te site nan dosye abi seksyèl sou plizyè jenn tifi, jounalis kotidyen britanik ”The Guardian” lan fè konnen ”se pa sèlman Dadou k’ap tonbe, genyen lòt responsab toujou”.

Sou rezo sosyal yo, Molina deklare entènasyonal la ap fè gwo presyon sou sistèm jidisyè peyi Dayiti a nan zafè sila, san konte y’ap gen pou mete kanpe yon komite nòmalizasyon pou fasilite ankèt la abouti.

N’ap raple, 24 èdtan aprè lajistis nan peyi Dayiti te deside blanchi kou koton ansyen prezidan FHF la, Federasyon Entènasyonal Foutbòl Asosiyasyon (FIFA) t’ap al deside revoke Yves Jean Bart ak anpeche l’ patisipe nan tout aktivite espòtif. Mete sou sa FIFA soumèt li ak yon amann 1 milyon dola.

Pooshy Rosana