Pou piti 8 moun mouri nan peyi Brezil pami yo 7 ayisyen ak yon brezilyen. Dram sa a rive aprè yon silo kote yo estoke seryal fin eksploze. Se nan yon koperativ agrikòl sa pase nan pwovens Palotina. Michelet Louis 41 lane, Jean Michée Joseph 29 lane, Jean Ronald Calix 27 lane, Donald ST Cyr 24 lane, Wicken Célestin 55 lane, Eugenio Metellus 53 lane ak Reginaldo Gérard 30 lane se non ayisyen ki mouri yo.
Prezidan Brezil la, Luis Inacio Lula da Silva sou kont Twitter l ki rele X kounye a, salye memwa viktim yo e Anbasad Ayiti ki nan peyi Brezil voye kondoleyans pou fanmi yo tou. Brezilyen ki mouri a se Saulo da Rocha Batista, li gen 53 rekòt kafe sou tèt li. N ap raple gen 11 lòt moun ki sòti blese.
