Daprè minis Zafè Etranjè defakto ayisyen an Jean Victor Généus, pou ane 2023 a selman gen pliske 5000 moun ki te mouri asasinen, 1 432 blese, 2 951 lòt kidnape, gen 37 polisye ki asasinen akoz vyolans gang yo nan peyi a. Towo a fè deklarasyon chokant sa a nan reyinyon ki te genyen jounen jedi 25 janvye a nan Konsèy Sekirite Nasyon Zini an. tanpri m ap mande pou fòs miltinasyonal la debake rapid nan peyi a, se sa li ajoute nan deklarasyon li an.
Jean Victor Généus bliye si se li menm ki te deklare sou menm tribin Nasyon Zini sa a ke tout bagay sou kontwòl an Ayiti e gouvènman an gen kontwòl gang yo.
