40 solda “Brigade de sécurité des airs protégées (BSAP), ki gen youn nan baz yo anba mòn kabrit, dezame nan lannwit madi 21 desanm 2020 an, 8 polisye inite sekirite Gad Palè (USGPN), epi pran bous ak tout kòb ajan palè yo te pote nan machin yo.
Daprè Garry Pierre Paul Charles, nan emisyon Haïti Débat, ajan BSAP yo sezi 5 galil, 1 M14, 8 pistolè, 2 radyo kominikasyon, epi pran lajan mesye palè yo t ap pote ale pou fè pewòl anplwaye baraj Maryon yo.
Jounalis la rapousib poul di: malgre ajan USGPN yo te idantifye yo, sa pat anpeche mesye BSAP yo poze aksyon yo te vle a.
Aprè zak sila, chèf CSPN, Joseph Jouthe deja konvoke plizyè manb nan gouvènman li an, tankou chèf polis la, Léon Charles, minis enteryè ak kolektivite yo, Audain Fils Bernadel ak minis jistis la Rockefeller Vincent.
N ap raple se Jeantel Joseph k ap dirije BSAP. Ajan BSAP yo gen plizyè mesaj vokal k ap sikile kote yo plenyen paske yo pa jan m touche, epi menase pou yo ta rantre an rebelyon ak chèf yo.
Jeff Jean Joseph
