Renel Destina alyas Ti Lapli nan Gran Ravin, Emmanuel Salomon alyas Manno nan Vilaj de Dye, John Peter Meronvil ak Jean Renald Dolcin k ap feraye nan tèt gwoup gang ki rele “Kokorat san ras” la, se non 4 lòt chèf gang Ministè Jistis nan peyi Etazini lage koukouwouj dèyè yo. Bandi sa yo enplike nan anlèvman plizyè sitwayen ameriken daprè otorite kay Tonton Sam yo. Y ap chache bandi sa yo ak balèn pou arete yo.
Ajoute sou tout lòt otorite ayisyèn k ap finanse gang nan peyi a, ameriken yo lanse alèt dèyè prèske tout gwo bandi gran chemen k ap twouble lapè piblik nan peyi Dayiti. N ap raple chèf gang G9 la te deja gen desizyon ki pran kont li avan mesye sa yo.
