Pou ane 2022 a, daprè chif Nasyon Zini avanse yo fè konnen bandi asasine 1 448 moun, 1 145 blese epi 1 005 lèzòt viktim de zak kidnaping nan peyi Dayiti. Gang yo kontwole 60% kapital la, yo itilize vyolans seksyèl pou kreye lapèrèz lakay popilasyon an, daprè sa Volker Türk ki se responsab dwa moun nan Nasyon Zini rapòte.
10 desanm ki sot pase la a ONU t ap selebre jounen mondyal Dwa Moun nan kat kwen mond lan. Si anpil kote dwa moun se proyite pou sèten dirijan isit nan peyi Dayiti se kontrè a ki fèt. Chif sa yo responsab dwa moun nan Nasyon Zini avanse a sa prèske pa reflete reyalite a lè n konsidere aksyon zago loray poze nan peyi a pou ane 2022 a ki poko menm fini.
