2 sitwayen ayisyen pèdi lavi yo nan maten dimanch 1e novanm 2026 la, nan sektè Friusa, distri minisipal Verón-Punta Cana, aprè yon echanj kout zam ak yon patwouy Polis Nasyonal dominikèn, daprè kèk medya dominiken. Viktim yo idantifye kòm Arson Leroy, 30 lane, ak Geriste Promesse, 34 lane. Daprè enfòmasyon ki pibliye yo, ajan Direksyon Santral Envestigasyon Polis la (DICRIM) te transpòte 2 mesye yo nan Lopital Jeneral Verón Punta Cana anviwon 9è nan maten.
Pou kounye a, sikonstans egzak ki lakòz lanmò 2 Ayisyen yo poko fin etabli. Otorite dominikèn yo poko bay tout detay sou entèvansyon lapolis la.













